منتدى ديربعلبة
منتدى ديربعلبة
منتدى ديربعلبة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى ديربعلبة


 
الرئيسيةالبوابةأحدث الصورالتسجيلدخول

 

 شروط الإنتساب للجنسية الحمصية

اذهب الى الأسفل 
كاتب الموضوعرسالة
ملك الميكانيك




عدد المساهمات : 44
نقاط : 115
تاريخ التسجيل : 09/08/2011
العمر : 43
الموقع : حمص

شروط الإنتساب للجنسية الحمصية Empty
مُساهمةموضوع: شروط الإنتساب للجنسية الحمصية   شروط الإنتساب للجنسية الحمصية Emptyالثلاثاء أغسطس 09, 2011 4:31 am

الجنسية الحمصية هبة من الله سبحانه (و رفعنا بعضكم فوق بعض درجات) و الحمد لله على هالنعمة.

شروط إكتساب الجنسية الحمصية...

حتى تكتسب الجنسية الحمصية يجب أن تتوافر فيك الشروط التالية:

لازم تكون مقتنع انو حمص مستقلة.

لازم تكون كرماوي لإنو الكرامة إنتماء منفصل.
أن تكون مستعدا لأن تعيَد يوم الأربعاء: يعني تصيف عالأخير: تمشي بعكس السير مثلا، تلعب الطابة (وليس الكرة) بالشارع، تسبح عالشاطئ مع إنو ما في شاطئ عنا بحمص، يعني بدك تدبر راسك، يعني لازم تخرج عن كل الضوابط و الأعراف المألوفة، فكل ما هو مألوف يجب تغييره يوم الأربعاء.

لازم تحب أكلة المجدرة مع البصل طبعا إذا ماكنت هيك روح دور على غيرنا.
لازم تكون مطيع كتير لزوجتك لأنو الحماصنة مرضيين كتير يعني بدك تخفف شوي من رجولتك ..يعني تصير خروء شي 8 ساعات باليوم و مالك كلمة بالبيت!
بدك تكون ظريف كتير مع الموظفين لأنو عنا الموظفين بحمص حساسين كتير و بيزعلو بسرعة، يعني بدك تراجعهم بذوق و هدوء بدون ما تجرح مشاعرهم، و لا تنسى .. المعلوم!! اي اي المعلوم لأنو بلاه! مافي شي بيمشي.

لازم يكون عندك فراسة و سرعة بديهة و تعرف الشوفير اللي ماشي قدامك لوين رايح و كيف بدو يلف او بدو يضرب فرام (بريك لغير الناطقين بالحمصية) و لا لاء!! لأنو عنا بحمص ما حدا بيعطي إشارة و كلو بيطحش على كلو!!

لازم تزكر شوفير التاكسي انو يشغلك العداد لأنو وين مارحت رح ياخد منك 50 ليرة لذلك فذكرو مشان يشغل العداد.
لازم تكون رئتك ملوثة بنسبة 99.999 % لأنو إذا كنت متعود على الهواء النظيف و العليل ما راح يمشي حالك عنا بتمرض بعدين بأمراض مزمنة لأنو عنا كل أنواع التلوث .. و الحمد لله، إلا إذا حبيت تسكن غرب حمص على ضهر القصير مثلا أو بالقرب من مرمريتا، فيمكن يمشي حالك و بيجوز تموت هنيك لأنو الحماصنة بس طلعو من حمص بيموتو والسبب انو عم يشمو برات حمص هوا نضيف.
و لا ننسى الأركيلة .. لازم يكون عندك نفس ماكن يعني شفيط نمرة أولى.
أكيد بدك تحفظ شعار الحماصنة ... و هو: الحماصنة الصقور الحرة .. نظرتهم حادة و مرة... و اللي بيحبهم مرة بيحبوه ألف مرة و مرة...
لازم تحكي عالعريض، وهذه اللغة لها مفرداتها الخاصة (موجودة في القاموس الحمصي الذي وضعه الراجي عفو ربه مأمون بن صفوان السباعي، وهو حمصي مقيم في الكويت من 36 سنة) وهو متوفر في الأسواق J

مثال ذلك: بلاول (يعني بلال)، طلاول (يعني طلال)، إيداي وإجراي (يعني يديه ورجليه)، كباي ومحشاي (مفرد كبة ومحشية)، علاي (يعني عليه)، عمنو (يعني لأنه)، وهكذا..

و أخيرا و ليس آخراً: إذا وجدت هذه الشروط منطبقة عليك أو بإمكانك الوفاء بها، فأنت جاهز للـ جرين كارد الحمصي، و لحق حالك هالأربعاء لأنو كل أربعاء الشروط بتتغير
الرجوع الى أعلى الصفحة اذهب الى الأسفل
 
شروط الإنتساب للجنسية الحمصية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ديربعلبة :: الساحة الترفيهية :: التسالي والمرح-
انتقل الى: